اردو ورلڈ کینیڈا ( ویب نیوز ) نیوزی لینڈ کے خلاف سیریز کے پانچویں اور آخری ون ڈے میں شکست کے بعد پاکستانی ٹیم آئی سی سی کی ون ڈے رینکنگ میں دو دن پہلے نمبر ون رہنے کے بعد تیسرے نمبر پر چلی گئی۔

5 میچوں کی سیریز کے چوتھے میچ میں نیوزی لینڈ کو شکست دینے کے بعد پاکستان پہلی بار آئی سی سی ون ڈے رینکنگ میں نمبر ون بن گیا تھا

تاہم پاکستان کو اپنی پہلی پوزیشن برقرار رکھنے کے لیے اتوار کو سیریز کا آخری میچ جیتنا تھا۔نیوزی لینڈ کے ہاتھوں ون ڈے سیریز کے آخری میچ میں 47 رنز سے شکست کے بعد پاکستان آئی سی سی رینکنگ میں پہلی سے تیسری پوزیشن پر چلا گیا۔

یہ بھی پڑھیں

پاکستان  نے تاریخ میں پہلی بار آئی سی سی ون ڈے رینگنگ میں پہلی پوزیشن حاصل کر لی 

پاکستان نے 5 مئی کو پہلی پوزیشن حاصل کی لیکن بدقسمتی سے پاکستان صرف 2 دن تک نمبر پر رہ سکا۔ آئی سی سی کی تازہ ترین رینکنگ میں آسٹریلیا پہلے، بھارت دوسرے اور پاکستان تیسرے نمبر پر ہے۔یاد رہے کہ نیوزی لینڈ نے 5 میچوں کی سیریز کے آخری ون ڈے میں پاکستان کو 47 رنز سے شکست دی تھی تاہم گرین شرٹس نے سیریز 1-4 سے جیت لی تھی۔

کراچی میں کھیلے گئے سیریز کے آخری میچ میں پاکستانی ٹیم نے نیوزی لینڈ کے 300 رنز کے ہدف کے تعاقب میں 252 رنز بنائے۔