اردو ورلڈ کینیڈا ( ویب نیوز ) پی سی بی نے ایشیا کپ نہ ہونے کے باعث پلان بی پر غور شروع کر دیا ہے۔

پی سی بی اس بات پر غور کر رہا ہے کہ قومی ٹیم کو ورلڈ کپ کی تیاریوں کے لیے کس طرح مصروف رکھا جائے۔

مختلف ٹیموں کی مصروفیات کو مدنظر رکھتے ہوئے پی سی بی نے پلان ترتیب دینا شروع کر دیا۔پی سی بی ہوم گراؤنڈ پر 3 ملکی سیریز کے انعقاد کا منصوبہ بنا رہا ہے اور بورڈ نے اس کے لیے مختلف بورڈز سے رابطے شروع کر دیے ہیں جبکہ بورڈ کی جانب سے کچھ ٹیموں کی مصروفیات کا بھی جائزہ لیا جا رہا ہے۔

یہ بھی پڑھیں

پاکستان اپنے اصولوں کی خاطر ایشیا کپ کی قربانی دینے کو تیار

واضح رہے کہ ایشیا کپ ستمبر میں شیڈول ہے، کچھ ٹیمیں بھارتی کنڈیشنز سے ہم آہنگ ہونے کے لیے پاکستان میں کھیلنے میں دلچسپی رکھتی ہیں۔ دوسری جانب پاکستان ایشیا کپ کا میزبان ہے اور اس ایونٹ کے پاکستان میں انعقاد کا خواہشمند ہے جب کہ پی سی بی نے بھارتی ٹیم کی عدم دستیابی کے باعث ہائبرڈ ماڈل بھی تجویز کیا ہے۔