اردو ورلڈ کینیڈا ( ویب  نیوز )گلگت بلتستان کے وزیر اعلی خالد خورشید کو تحریک انصاف کے رہنما ئوں کو پناہ دینے کے جرم میں اسلام آباد میں حراست میں لے لیا گیا۔

تفصیل کے مطابق وزیراعلی گلگت بلتستان خالد خورشید نے پی ٹی آئی رہنمائوں کو جی بی ہائوس میں پناہ دی تھی جس کے بعد انہیں آج حراست میں لے لیا گیا اور گلگت بلتستان ہائوس کے باہر پولیس اور رینجرز کی نفری تعینات کردی گئی۔

ذرائع کا کہنا ہے کہ پی ٹی آئی رہنما شاہ محمود قریشی، ملیکہ بخاری، مسرت چیمہ اور دیگر کو جی بی ہائوس اسلام آباد سے حراست میں لیا گیا، یہ افراد جی بی ہائوس اسلام آباد میں چھپے ہوئے تھے۔

ذرائع کا یہ بھی کہنا ہے کہ پولیس کو مطلوب رہنما ئوں کو جی بی ہاس میں پناہ دینے پر وزیر اعلی گلگت بلتستان کے کردار کا جائزہ لیا جا رہا ہے۔ وزیر اعلی گلگت بلتستان کے اہم عہدے کے باعث ان کے خلاف سخت کارروائی نہیں کی جا رہی۔ ان کی سرگرمیوں پر نظر رکھنے کا فیصلہ کیا گیا ہے۔