اردو ورلڈ کینیڈا ( ویب نیوز )مجھ سے پی ٹی آئی چھڑانی ہے تو میرے ماتھے پر گولی مار دیں ۔تحریک انصاف سندھ کے صدر علی زیدی نے کہا ہے کہ کوئی پی ٹی آئی مجھ سے نہیں چھڑا سکتا  یہ میری پارٹی ہے۔میڈیا سے گفتگو کرتے ہوئے سابق وفاقی وزیر علی زیدی نے کہا ہے کہ میں دو روز قبل گھر آیا، شکر گزار ہوں کہ مجھے گھر منتقل کیا گیا، انتہائی سخت الفاظ میں مذمت کرنا چاہتا ہوں، پولیس کی گاڑی جو ریاست کا اثاثہ ہے۔ ، سپریم کورٹ، پاک فوج، پاکستان ریلوے سب پاکستان کا اثاثہ ہے، جناح ہا ئوس جس میں توڑ پھوڑ  مذمت کرتا ہوں، میانوالی میں عدالت جلا دی گئی۔

تحریک انصاف کے رہنما علی زیدی نے مزید کہا ہے کہ فضائیہ کا طیارہ جلایا گیا، ریڈیو پاکستان کو جلایا گیا، جس چیز نے میرے دل کو سب سے زیادہ تکلیف دی وہ شہدا کی یادگاروں کو جلانے کا تھا، ہم جو رات کو آرام سے سوتے ہیں۔ اس کی وجہ یہ ہے کہ سرحدوں کی حفاظت ہوتی  ہے، آپ کی فضائی حدود کی حفاظت کون کرتا ہے، فوج ہم سے ہے اور ہم فوج سے ہیں۔

سابق وفاقی وزیر علی زیدی نے کہا ہے کہ جو دہشت گردی ہوئی ہے اس کا حساب ہونا چاہیے، فوج، رینجرز اور پولیس کی گاڑیاں جلانا کیسا احتجاج ہے۔ میں اس کی شدید مذمت کرتا ہوں   اگر مجھ سے پی ٹی آئی چھڑانی ہے تو میرے ماتھے پر گولی مار دیں ۔