اردو ورلڈ کینیڈا ( ویب نیوز)چیئرمین پاکستان تحریک انصاف عمران خان نے کہا ہے کہ موجودہ فاشسٹ حکومت نے ہماری جمہوریت، عدلیہ، آئین اور قانون کی حکمرانی کو مکمل طور پر مذاق بنا دیا ہے۔
موجودہ فسطائی بندوبست کی جانب سے ہماری جمہوریت، ہماری عدلیہ، ہمارے آئین اور قانون کی حکمرانی کو مکمل طور پر ایک مذاق بنا کر رکھ دیا گیا ہے۔ ہمارے دیگر قائدین کیطرح، شیریں مزاری کو ضمانت ملنے کے باوجود پھر سے گرفتار کرکے ایک دوسری جیل میں منتقل کردیا گیا ہے۔ ہمارے کم و بیش ساڑھے…
— Imran Khan (@ImranKhanPTI) May 17, 2023
سابق وزیراعظم نے سماجی رابطے کی ویب سائٹ ٹوئٹر پر کہا کہ ہمارے دیگر رہنماؤں کی طرح شیریں مزاری کو بھی ضمانت ملنے کے باوجود دوبارہ گرفتار کرکے دوسری جیل منتقل کردیا گیا ہے۔
انہوں نے کہا کہ ہمارے 7500 سے زائد کارکنوں کو گرفتار کیا گیا ہے جن میں سے بیشتر کو قانون کے مطابق عدالتوں میں پیش نہیں کیا گیا۔ ہمارے قیدیوں پر تشدد کیا جارہا ہے
چیئرمین پی ٹی آئی کا مزید کہنا تھا کہ ہم معیشت اور انسانی حقوق کے حوالے سے ڈپریشن میں دھنس چکے ہیں، یہ سب پی ٹی آئی کو اگلی حکومت بنانے سے روکنے کے لیے ہے
