اردو ورلڈ کینیڈا ( و یب نیوز ) برٹش نیشنل ہیلتھ سروس (NHS) کے ماہر امراض قلب مریض کی رپورٹیں لکھنے کے لیے چیٹ جی پی ٹی پروگرام کو استعمال کرنے کے خواہاں ہیں۔

ڈیلی میل کے مطابق این ایچ ایس ڈاکٹرز کا کہنا ہے کہ چیٹ جی پی ٹی کی صلاحیتوں کو استعمال کرنے سے ہمیں مریضوں پر زیادہ توجہ مرکوز کرنے کا موقع ملے گا۔

یہ بھی پڑھیں

کیا اے آئی ٹیکنالوجی انسانیت کیلئے سب سے بڑاخطرہ ہے ؟

شیفیلڈ ٹیچنگ ہاسپٹلس NHS فاؤنڈیشن ٹرسٹ کے کارڈیک ریڈیولوجسٹ ڈاکٹر سمیر العابد نے کہا کہ AI پروگراموں کو ہارٹ سکین پر نوٹس لینے اور ان کی تشریح کرنے کی تربیت دی جا سکتی ہے، جبکہ چیٹ جی پی ٹی پہلے سے ہی کچھ آپریشن کر رہا ہے۔

ڈاکٹر سمیر نے مزید کہا کہ ایک ریڈیولوجسٹ کو ان اسکینز کا تجزیہ کرنے اور پھر رپورٹ لکھنے میں 45 منٹ لگتے ہیں۔ ہمارا اندازہ ہے کہ NHS ڈاکٹر ہر سال 115,000 گھنٹے ہارٹ اسکین کی رپورٹ تیار کرنے میں صرف کرتے ہیں۔ اگر ہم ایسا کرنے کے لیےچیٹ جی پی ٹی استعمال کرنے کے قابل ہیں، تو ہم ناقابل یقین حد تک وقت بچا سکتے ہیں جسے مزید مریضوں کے علاج کے لیے استعمال کیا جا سکتا ہے۔