اردو ورلڈ کینیڈا ( ویب نیوز)عوامی مسلم لیگ کے سربراہ اور سابق وزیر داخلہ شیخ رشید نے کہا ہے کہ 9 مئی کے اصل سازشی عناصر کو سزا دی جائے اور بے گناہوں کو رہا کیا جائے۔
سماجی رابطے کی ویب سائٹ ٹوئٹر پر اپنے پیغام میں سابق وزیر داخلہ شیخ رشید نے کہا کہ لگتا ہے لوگ بلو کے گھر جانے کیلئے پارٹیاں بدل رہے ہیں، بزدل عدت کے دن بھی پورے نہیں کرتے، پارٹی چھوڑنا بھی میراتھن ریس ہے۔ وہ جس پارٹی میں جائیں گے وہ بھی ڈوب جائے گی۔

وزیراعظم دن میں3باربےکارخطاب کررہاہےحکومت چلانا انکے بس کی بات نہیں پاکستان کی معیشت ڈیفالٹ کوچھو سکتی ہےIMFسےچھٹی ڈالر307روپےکادوستوں سےتنہائی معاشی تنزلی اقتصادی تباہی سیاسی بحران یہ ہےان کی کارکردگی غریب کےپاس قبرکےپیسےنہیں وه اللہ کے بعد صرف سپریم کورٹ کی طرف دیکھ رہا ہے

— Sheikh Rashid Ahmed (@ShkhRasheed) May 23, 2023

انہوں نے کہا کہ ہر دور میں ضرورت مندوں اور مفاد پرستوں کی جماعت بنتی ہے اس لیے جمہوریت ناکام ہوتی ہے اور کوئی حکومت 5 سال پورے نہیں کرتی
شیخ رشید نے کہا کہ پاکستان کی معیشت ڈیفالٹ کو چھو سکتی ہے، ان کی کارکردگی صفر ہے ،معاشی تباہی اور سیاسی بحران، غریبوں کے پاس قبر کے لیے پیسے نہیں۔قوم اللہ کے بعد سپریم کورٹ کی طرف دیکھ رہی ہے
سابق وزیر داخلہ کا مزید کہنا تھا کہ حکومت ملک چلانے میں ناکام ہو چکی ہے، ترقی منفی ہو چکی ہے