اردو ورلڈ کینیڈا ( ویب نیوز )چیئرمین پی ٹی آئی اور ان کی اہلیہ بشری بی بی کے خلاف فراڈ اور جعلسازی کا مقدمہ درج کرلیا گیا۔

تھانہ کوہسار میں درج مقدمے میں پی ٹی آئی رہنما شہزاد اکبر، زلفی بخاری اور فرح گوگی کو بھی نامزد کیا گیا ہے۔ مقدمہ اسلام آباد میں گھڑیوں کی دکان کے مالک کی شکایت پر درج کیا گیا۔

درخواست گزار کا دعوی ہے کہ چیئرمین پی ٹی آئی، ان کی اہلیہ بشری بی بی اور دیگر ملزمان نے ان کی دکان کی جعلی رسیدیں استعمال کیں اور لیٹر ہیڈ پر جعلی بل بنائے۔

ہم نے چیئرمین پی ٹی آئی کے توشہ خانہ کی گھڑیاں نہیں خریدیں اور نہ ہی ایسی کوئی خریداری کا لین دین ریکارڈ پر ہے۔ نامزد ملزمان نے فراڈ اور جعلسازی کا ارتکاب کیا اور ہمارا نام غلط استعمال کیا۔

پولیس نے چیئرمین پی ٹی آئی اور ان کی اہلیہ بشری بی بی اور دیگر کے خلاف دھوکہ دہی اور جعلسازی کا مقدمہ درج کر لیا۔