اردو ورلڈ کینیڈا ( ویب نیوز ) صحت مند زندگی کے لیے نیند بہت ضروری ہے
اکثر ایسے لوگوں کو دیکھتے ہیں جو ذہنی تناؤ کی وجہ سے دنوں تک سکون سے نہیں سو پاتے، لیکن آپ کو یہ جان کر حیرت ہوگی کہ دنیا میں ایک ایسا شخص بھی ہے جو 40 سال سے نہیں سویا۔
سعودی عرب سے تعلق رکھنے والے سعود بن محمد محسن الغامدی کا دعویٰ ہے کہ وہ گزشتہ 40 سال سے مسلسل بیدار ہیں اور کامیاب زندگی گزار رہے ہیں۔سعود بن محمد الغامدی کا کہنا ہے کہ وہ ذہنی طور پر بیمار نہیں ہیں اور نہ ہی وہ کسی بیماری میں مبتلا ہیں۔ ان کی عمر 70 سال ہے اور وہ پچھلے 40 سالوں سے نہیں سوئے ہیں۔غیر ملکی میڈیا رپورٹس کے مطابق 70 سالہ سعودی شخص نے بتایا کہ وہ کئی ڈاکٹروں کے پاس گیا جنہوں نے اس کی حالت کو ‘کلینیکل ڈپریشن قرار دیا لیکن اس کا کوئی علاج نہ مل سکا۔
سعودی میڈیا نے تصدیق کی ہے کہ سعود بن محمد الغامدی کی حالت اس وقت شروع ہوئی جب وہ اپنے ایک مشن کے دوران مسلسل 20 دن تک جاگتے رہے جب کہ وہ ایک نوجوان کی حیثیت سے فوج میں تعینات تھے۔تاہم مشن ختم ہوتے ہی اسے نیند نہ آنے کی فکر ہوئی اور ڈاکٹروں سے چیک کرنے کا فیصلہ کیا لیکن ڈاکٹر بھی اس بیماری کی کوئی واضح وجہ اور علاج تلاش نہ کر سکے۔ نیند کی گولیاں بھی اس کا مسئلہ تھیں۔ حل نہ ہو سکا۔
