اردو ورلڈ کینیڈا ( ویب نیوز )پنجاب کا آئندہ مالی سال کے چار ماہ کا بجٹ نگراں حکومت کی جانب سے آئندہ ہفتے پیش کیے جانے کا امکان ہے، نئی ترقیاتی اسکیمیں الیکشن کمیشن کی اجازت سے مشروط ہوں گی۔

ذرائع کے مطابق بجٹ میں چار ماہ کے ترقیاتی پروگرام کے لیے 300 ارب روپے سے زائد مختص کرنے کی تجویز ہے جو پہلے سے جاری ترقیاتی سکیموں پر خرچ کیے جائیں گے، ہیلتھ کارڈ کے لیے 20 ارب روپے، صحت کارڈ کے لیے 27 ارب روپے مختص کیے جائیں گے۔ غیر ملکی فنڈنگ ​​سے تعاون یافتہ منصوبے زراعت کے لیے 20 ارب روپے، صحت اور تعلیم کے لیے کم از کم 100 ارب روپے مختص کرنے کی تجویز ہے۔
سکول ایجوکیشن کے لیے 28 ارب، ہائر ایجوکیشن کے لیے 10 ارب، سپیشل ایجوکیشن کے لیے ترقیاتی منصوبوں کے لیے 1 ارب، شہری ترقی کے لیے 12 ارب، صاف پانی اور سیوریج کی نکاسی کی سکیموں کے لیے 7 ارب، ٹرانسپورٹ، ایمرجنسی سروسز کے لیے 6 ارب مختص کرنے کی تجویز ہے۔