اردو ورلڈ کینیڈا ( ویب نیوز ) ماہر فلکیات نے کہا ہے کہ دنیا کے بیشتر مسلم ممالک میں ذی الحج کا چاند کب نظر آنے کا امکان ہے۔
بین الاقوامی فلکیاتی مرکز کی جانب سے جاری بیان میں کہا گیا ہے کہ جن ممالک میں 18 جون بروز اتوار 29 ذی القعد ہے وہاں چاند نظر آنے کا امکان ہے۔
ان ممالک میں یکم ذی الحج 19 جون بروز پیر اور عید الاضحیٰ 28 جون بروز بدھ کو ہو سکتی ہے، پاکستان میں 18 جون کو 28 ذوالقعد ہو گی اور رویت ہلال کمیٹی کا اجلاس ہو گا۔ چاند نظر آنے کی تاریخ 19 جون بروز سوموار یعنی 29 ذوالقعد کو ہوگی۔
پاکستان میں یکم ذی الحج منگل 20 جون یا بدھ 21 جون کو متوقع ہے۔ اس طرح پاکستان میں عید الاضحی 29 جون بروز جمعرات یا 30 جون بروز جمعہ ہونے کا امکان ہے۔بین الاقوامی مرکز فلکیات کے مطابق زیادہ تر مسلم ممالک میں ذی الحج کا چاند 29 ذی القعد یعنی 18 جون کو دیکھنے کی کوشش کی جائے گی۔ اسلامی دنیا کے مغربی اور وسطی علاقوں میں اس تاریخی کوٹیلی دائرہ کار سے بھی چاند نظر آنا مشکل ہو گا۔
عالمی فلکیاتی مرکز کا مزید کہنا ہے کہ 18 جون بروز اتوار کو اسلامی دنیا کے مشرقی خطوں میں چاند کسی صورت نظر نہیں آئے گا۔جکارتہ میں سورج غروب ہونے کے 7 منٹ بعد چاند غروب ہو جائے گا، اس وقت اسے اپنی پیدائش میں 6 گھنٹے 5 منٹ ہو چکے ہوں گے۔ ابوظہبی میں غروب آفتاب کے 29 منٹ بعد چاند غروب ہوگا اور اس وقت چاند کی عمر 12 گھنٹے 4 منٹ ہوگی۔ریاض میں سورج غروب ہونے کے 31 منٹ بعد چاند غروب ہو جائے گا، اس وقت اس کی عمر 13 گھنٹے ہو گی۔ عمان اور مقبوضہ بیت المقدس میں سورج غروب ہونے کے 37 منٹ بعد چاند نظروں سے اوجھل ہو جائے گا، اس وقت اس کی عمر 14 گھنٹے ہو گی۔
