اردو ورلڈ کینیڈا ( ویب نیوز ) اسلامک ڈویلپمنٹ بینک (IDB) پاکستان میں سیلاب سے متاثرہ علاقوں کے لیے 600 ملین ڈالر کی پراجیکٹ فنانسنگ کی منظوری دے گا، جو خیبر پختونخوا میں چشمہ رائٹ بینک کینال کے لیے فنانسنگ کرے گا۔

اعلیٰ حکومتی ذرائع نے صحافیوں کے ایک منتخب گروپ کو تصدیق کی کہ سیلاب سے متاثرہ علاقوں کے لیے مختلف کثیرالجہتی اور دوطرفہ عطیہ دہندگان کی جانب سے 4 ارب ڈالر کے قرضہ جات کو آگے بڑھایا جا چکا ہے اور آئندہ مالی سال میں مختلف منصوبوں کے لیے ادائیگیاں شروع ہو جائیں گی۔

عہدیدار نے بتایا کہ عالمی بینک نے سیلاب سے متاثرہ علاقوں میں منصوبوں کے لیے 1.7 بلین ڈالر کی منظوری دی ہے، جبکہ ایشیائی ترقیاتی بینک 600 ملین ڈالر قرض فراہم کر رہا ہے۔پاکستان کثیر جہتی اور دو طرفہ قرض دہندگان سے مجموعی طور پر 2.7 بلین ڈالر کی توقع کر رہا ہے۔ 2.7 بلین ڈالر کے علاوہ، IDB سے مزید 600 ملین ڈالر کا قرضہ ہے۔عہدیدار نے بتایا کہ مجموعی طور پر 4 ارب ڈالر قرض کی ادائیگی ہے جو پیشگی مرحلے میں ہے۔