اردوورلڈ کینیڈا ( ویب نیوز)پاکستان پیپلز پارٹی پنجاب کے صدر رانا فاروق سعید نے سینئر قانون دان اور پی پی رہنما لطیف کھوسہ کی پارٹی رکنیت ختم کر دی۔

پیپلز پارٹی پنجاب کے صدر نے پارٹی رکنیت ختم کرنے کا حکم جاری کرتے ہوئے کہا کہ لطیف کھوسہ پارٹی کی ریڈ لائن کراس کر چکے ہیں جس پر ان کے خلاف کارروائی کی گئی ہے۔

انہوں نے کہا کہ لطیف کھوسہ کو بار بار یاد دلایا گیا کہ وہ پارٹی لائن اور مقررہ حدود سے تجاوز نہیں کریں گے اور انہوں نے ہدایات پر عمل نہیں کیا۔

پنجاب کے صدر نے یہ بھی کہا کہ لطیف کھوسہ بطور وکیل پیپلز پارٹی میں آئے اور مراعات لیں جب کہ وہ اپنے بیٹے کو بھی اٹارنی جنرل لگانا چاہتے تھے ایسا نہ ہونے کی صورت نے میں انہوں نے پارٹی کے خلاف بیان بازی شروع کی جو کسی صورت بھی درست عمل نہیں ہے۔