اردوورلڈ کینیڈا ( ویب نیوز)عوامی مسلم لیگ کے سربراہ اور سابق وفاقی وزیر داخلہ شیخ رشید احمد نے کہا ہے کہ حکومت کے 50 دن اور آئی ایم ایف کے فیصلے میں 8 دن رہ گئے ہیں، پاکستان میں کوئی شعبہ ایسا نہیں جہاں عدم استحکام نہ ہو۔ معیشت تباہ، ریاست بدحال، سیاست کا برا حال ہے۔
شیخ رشید احمد نے سماجی رابطے کی ویب سائٹ ٹوئٹر پر لکھا کہ 2 کروڑ لوگ بے روزگار ہیں، 10 کروڑ غربت کی لکیر سے نیچے ہیں اور ڈیفالٹ کی تلوار سر پر لٹک رہی ہے
انہوں نے کہا کہ ملک وینٹی لیٹر پر ہے، جب انڈسٹری نہیں چلے گی تو روزگار نہیں ملے گا اور بے روزگار بھوک سے سمندروں میں ڈوب کر مریں گے۔
ملک ونیٹی لیٹرپرہےجب انڈسٹری نہیں چلےگی توروزگارنہیں ملےگااوربےروزگاربھوک کےمارےسمندروں میں ڈوب کےمریں گےیہ کہتےتھےہم آئیں گےتودودھ شہد کی نہریں بہئیں گی لیکن انہوں نےمہنگائی بیروزگاری کاطوفان کھڑاکردیاڈارکہتاتھاڈالر200کاکروں گاابIMFکےلیےامریکہ برطانیہ کےسفیروں کےپاؤں میں پڑاہے
— Sheikh Rashid Ahmed (@ShkhRasheed) June 22, 2023
سابق وفاقی وزیر نے کہا کہ ڈار کہتے تھے کہ 200 ڈالر میں یہ کام کروں گا۔ اب ایم ایف کے لیے برطانوی سفیروں کے قدموں میں پڑا ہے۔ جو لوگ یہاں 50 سال سے سرمایہ کاری کر رہے ہیں وہ بھی اپنے شیئر بیچ رہے ہیں جب پاکستانی سرمایہ کاری نہیں کریں گے تو آئین و قانون کا مذاق اڑانے والے پاکستان میں کون آئے گا؟
پولیس گھروں میں گھس کےتوڑپھوڑ کررہی ہےچادراورچاردیواری کو رسواکررہی ہےاتنی ملک میں گندم نہیں کاٹی جارہی جتنی پولیس جھوٹی FIRکاٹ رہی ہےجھوٹےکیسوں کاجمعہ بازار اورکرپشن کا انبارلگاہےجسکوچاہتےہیں اٹھالیتےہیں ایک کیس میں ضمانت ہونےپردوسری ریڈی میٹFIRجیل کےدروازے پرمنتظرہوتی ہے
— Sheikh Rashid Ahmed (@ShkhRasheed) June 22, 2023
انہوں نے کہا کہ منی لانڈرنگ اور نیب میں مطلوب افراد کو حکمران بنا دیا گیا جنہیں جیلوں میں ہونا چاہیے تھا، وہ غیر ملکی دوروں پر ہیں، پولیس گھروں میں گھس رہی ہے، چادر اور چاردیواری کا تقدس پامال ہورہا۔ ملک میں گندم اتنی نہیں کاٹی جا رہی جتنی پولیس جھوٹی ایف آئی آر درج کر رہی ہے۔
عوامی مسلم لیگ کے سربراہ کا مزید کہنا تھا کہ جھوٹے مقدمات اور کرپشن کا ڈھیر لگا ہوا ہے، جو جب چاہتے ہیں اٹھا لیتے ہیں، جب ایک کیس میں ضمانت ہوتی ہے تو دوسری تیار ایف آئی آر جیل کے دروازے پر منتظر ہوتی ہے۔
