اردوورلڈ کینیڈا ( ویب نیوز )پاکستان تحریک انصاف (پی ٹی آئی) کے رہنما شاہ محمود قریشی نے کہا ہے کہ امریکی صدر جو بائیڈن اور بھارتی وزیراعظم مودی کی ملاقات کے بعد پاکستانیوں کے دل دکھلائے ہیں۔

یہ بھی پڑھیں 

امریکہ اور ہندوستان عالمی دہشت گردی کے خلاف ایک ساتھ کھڑے ہیں،مودی جوبائیڈن ملاقات کا اعلامیہ

اسلام آباد کی انسداد دہشت گردی عدالت کے باہر میڈیا سے بات کرتے ہوئے شاہ محمود قریشی نے کہا کہ پاکستانیوں کی کوششیں ہمیشہ دہشت گردی کے خاتمے کے لیے رہی ہیں، بھارت امریکا مشترکہ اعلامیے میں انسانی حقوق کا کوئی ذکر نہیں، جاری بیان پر افسوس ہے۔
شاہ محمود قریشی نے کہا کہ مقبوضہ کشمیر میں مسلمانوں پر ہونے والے ظلم کے خلاف آواز نہیں اٹھائی گئی، انسانی حقوق کی تنظیمیں خاموش ہیں۔
گفتگو کے دوران پاکستان تحریک انصاف کے وائس چیئرمین نے یہ بھی کہا کہ نو مئی واقعے کے وقت میں نہ تو وہاں موجود تھا اور نہ ہی اس میں ملوث تھا۔