اردوورلڈ کینیڈا ( ویب نیوز )پنجاب، خیبرپختونخوا، بلوچستان، کشمیر اور گلگت بلتستان میں آج تیز ہواؤں، گرج چمک اور گرج چمک کے ساتھ بارش کا امکان ہے۔
جنوبی پنجاب کے مختلف شہروں ملتان، بہاولپور اور ڈی جی خان میں موسلادھار بارش کے بعد کئی علاقوں میں بجلی کی فراہمی معطل ہوگئی، کوہ سلیمان رینج میں شدید بارش کے بعد دھنہ سر میں لینڈ سلائیڈنگ ہوئی۔

این 50 پر چٹان گرنے سے ژوب ڈی آئی خان شاہراہ بند ہوگئی جس سے بلوچستان کا خیبرپختونخوا سے زمینی رابطہ منقطع ہوگیا۔
کوئٹہ ژوب شاہراہ پر کار ریلے میں گرنے سے ایک طالب علم کی لاش نکال لی گئی جبکہ 2 کو بچا لیا گیا، ڈرائیور کی تلاش جاری ہے۔
دوسری جانب کراچی کے علاقے کلفٹن اور ڈیفنس میں ہلکی بارش ہوئی۔
گزشتہ روز ملک میں سب سے زیادہ بارش لاہور ایئرپورٹ پر 255 ملی میٹر ریکارڈ کی گئی۔ لاہور کے کئی علاقے پانی میں ڈوبے رہے تاہم بعد میں بیشتر علاقوں سے پانی نکال لیا گیا۔ پری مون سون بارشوں کا سلسلہ 30 جون تک جاری رہے گا۔