اردوورلڈ کینیڈا ( ویب نیوز )انسداد دہشت گردی کی عدالت لاہور نے عسکری ٹاور جلانے اور گھیراؤ کیس میں پاکستان تحریک انصاف کے رہنما اسد عمر کی عبوری ضمانت میں 7 جولائی تک توسیع کر دی۔

انسداد دہشت گردی عدالت کے جج اعجاز احمد بٹر نے عسکری ٹاور جلنے سے متعلق کیس کی سماعت کی، عدالت نے سابق وفاقی وزیر اسد عمر کی عبوری ضمانت میں 7 جولائی تک توسیع کردی۔

 اسلام آباد ہائیکورٹ نے اسد عمر اورشاہ محمود کی عبوری ضمانت منظورکرلی

عدالت نے پی ٹی آئی رہنما کو بھی تحقیقات میں شامل کرنے کا حکم دیا۔
یاد رہے کہ 9 مئی کو تحریک انصاف کے چیئرمین کی گرفتاری پر ملک بھر میں پرتشدد مظاہرے کیے گئے تھے، شرپسندوں کی جانب سے قومی اور عسکری املاک کو بھی نقصان پہنچایا گیا تھا اور جلاؤ گھیراؤ کا مقدمہ بنایا گیا۔