اردو ورلڈ کینیڈا ( ویب نیوز ) عراق نے سویڈن کے سفیر کو قرآن پاک کو نذر آتش کرنے کی اجازت دینے پر ملک بدر کردیا۔

عراق میں سویڈن کے سفارت خانے میں قرآن پاک کو نذر آتش کرنے کے خلاف شدید احتجاج کیا گیا۔ غم اور غصے سے بھرے مظاہرین نے سفارت خانے پر دھاوا بول دیا۔

یہ بھی پڑھیں

قرآن پاک کی بے حرمتی کیخلاف احتجاج ، عراق میں سویڈن کا سفارت خا نہ نذر آتش

مظاہرین نے سویڈن کے سفارت خانے کو آگ لگا دی اور عوام نے سویڈن کے سفیر کو ملک بدر کرنے کا مطالبہ کیا۔جس پر عراقی حکومت نے سویڈن کے سفیر کو ملک بدر کر دیا اور ساتھ ہی سویڈن میں عراق میں اپنے چارج ڈی افیئرز کو واپس بلا لیا۔عراق کے وزیراعظم نے کہا کہ اگر سویڈن نے دوبارہ قرآن پاک کو جلانے کی جرات کی تو وہ سویڈن کے ساتھ سفارتی تعلقات مکمل طور پر ختم کردینگے۔
اس کے علاوہ عراقی سرزمین پر سویڈش ٹیلی کام کمپنی ایرکسن کا ورکنگ پرمٹ بھی معطل کر دیا گیا۔تاہم بعد ازاں جمعرات کو حکومت نے ایک بیان میں کہا کہ اگر ملک میں دوسری بار قرآن پاک کو جلایا گیا تو وہ سویڈن کے ساتھ سفارتی تعلقات منقطع کر دے گی۔