اردو ورلڈ کینیڈا ٰ( ویب نیوز ) ناسا کے گوڈارڈ انسٹی ٹیوٹ فار اسپیس اسٹڈیز کے اعلیٰ موسمیاتی ماہر گیون شمٹ نے خبردار کیا ہے کہ جولائی 2023 اس صدی کا گرم ترین مہینہ ہونے والا ہے۔
ناسا کے ماہر موسمیات گیون شمٹ کا کہنا ہے کہ مسلسل گرمی کی لہر کرہ ارض کے بڑے حصوں کو اپنی لپیٹ میں لے رہی ہے جس سے درجہ حرارت کے کئی ریکارڈ ٹوٹ جائیں گے۔
واشنگٹن میں ناسا کے ہیڈکوارٹر میں، موسمیاتی ماہرین، ناسا کے ایڈمنسٹریٹر بل نیلسن اور چیف سائنٹسٹ اور سینئر کلائمیٹ ایڈوائزر کیٹ کیلون نے بے مثال عالمی موسمیاتی تبدیلیوں پر تبادلہ خیال کیا۔اس حوالے سے ماہر موسمیات گیون شمٹ کا کہنا تھا کہ ہم پوری دنیا میں بے مثال تبدیلیاں دیکھ رہے ہیں۔ امریکا، یورپ اور چین میں گرمی کی لہر نے گزشتہ تمام ریکارڈ توڑ دیے۔ناسا کے ماہر موسمیات کا مزید کہنا تھا کہ یہ تمام اشارے موسمیاتی بحران کی شدت کے بارے میں خدشات کو بڑھا رہے ہیں۔
درجہ حرارت میں اضافہ حیران کن نہیں ہے کیونکہ یہ گزشتہ 4 دہائیوں سے مسلسل بڑھ رہا ہے۔گیون شمٹ نے کہا کہ حالیہ یاد میں زمین کا گرم ترین جون ہے، جس سے 2023 کے مجموعی طور پر گرم ترین سال بننے کے امکانات کے بارے میں خدشات بڑھ گئے ہیں۔گیون شمٹ اور دیگر موسمیاتی تبدیلی کے ماہرین نے ان انتہائی تبدیلیوں اور گرین ہاؤس گیسوں کے اخراج کے درمیان براہ راست تعلق پر زور دیا ہے، اور انہیں فوسل فیول سے منسوب کرنے سے گریز کیا ہے۔انہوں نے پیش گوئی کی کہ ممکنہ طور پر 2023 کے آخر تک درجہ حرارت عروج پر ہوگا، جس سے 2024 اور بھی گرم ہو جائے گا۔
