اردو ورلڈ کینیڈا ( ویب نیوز )وزیر اعظم شہباز شریف نے ’صحت مند غذاتندرسستی صدا کے نام سے آگاہی مہم شروع کرنے کا اعلان کیا ہے۔سماجی رابطے کی ویب سائٹ ٹوئٹر پر اپنے بیان میں وزیراعظم شہباز شریف نے کہا کہ عوام کی اچھی صحت کا صاف اور صحت بخش خوراک سے گہرا تعلق ہے، یہ جاننا عوام کا حق ہے کہ انہیں فراہم کی جانے والی خوراک میں کون سے اجزاء شامل کیے گئے ہیں تاکہ وہ بہتر اور شفاف معلومات کی بنیاد پر اپنے کھانے کا انتخاب کرسکیں۔
عوام کی اچھی صحت کا صاف اور صحت مند خوراک سے گہرا تعلق ہے۔
یہ عوام کا حق ہے کہ انہیں یہ معلوم ہو کہ ان کو فراہم کردہ خوراک میں کیا اجزا شامل کیے گئے ہیں تاکہ وہ بہتر اور شفاف معلومات کی بنا پر اپنی خوراک کا انتخاب کر سکیں۔ میری ہدایت پر "صحت مند غذا ۔تندرستی سدا " مہم کا پورے…— Shehbaz Sharif (@CMShehbaz) July 23, 2023
انہوں نے کہا کہ میری ہدایت پر پورے پاکستان میں ہیلتھی فوڈ، ہیلتھی ایور مہم کا آغاز کیا جا رہا ہے، اس مہم کے تحت ہر ریسٹورنٹ صارفین کو کھانے کی کل کیلوریز کے بارے میں آگاہ کرے گا، اس کے علاوہ عالمی ادارہ صحت کی تجویز کردہ سفارشات پر مبنی مکمل غذائیت کی معلومات پیکیجڈ فوڈ آئٹمز پر شائع کی جائیں گی۔
وزیر اعظم نے کہا کہ دل اور دیگر بیماریوں سے بچاؤ کے لیے ٹرانس فیٹی ایسڈ کو بھی صرف 2 فیصد تک محدود کیا جا رہا ہے، ہمارے ہسپتالوں غیر آباد اور کھیلوں کے میدان آباد رہنے چاہئیں اور یہ مہم صحت مند مستقبل کی نوید ثابت ہوگی۔
