اردو ورلڈ کینیڈا (ویب نیوز ) ایران کے شمالی علاقے ان دنوں غیر معمولی گرمی کی لپیٹ میں ہیں، گرمی کے باعث ہسپتالوں کو ہائی الرٹ کر دیا گیا ہے۔
ایرانی حکام کا کہنا ہے کہ بدھ اور جمعرات کو ملک بھر میں عام تعطیل ہوگی، شدید گرمی کے باعث بینک، سکول اور سرکاری دفاتر بند رہیں گے۔
اطلاعات کے مطابق رواں ہفتے ایرانی شہر اہواز میں درجہ حرارت 51 ڈگری تک پہنچ گیا اور بدھ کو تہران میں درجہ حرارت 39 ڈگری تک پہنچنے کا امکان ہے۔بوڑھوں اور بیماروں کو گرمی سے بچنے کے لیے گھروں میں رہنے کی ہدایت کی گئی ہے۔واضح رہے کہ موسمیاتی تبدیلی کے اثرات دنیا کے مختلف حصوں میں دیکھے جا رہے ہیں، یورپ، امریکہ اور ایشیا میں گرمی کی لہریں، کینیڈا اور یونان میں جنگلات میں آگ لگنے اور فلوریڈا میں سمندری پانی کا ریکارڈ درجہ حرارت جیسے واقعات۔درجہ حرارت میں ریکارڈ اضافے کی وجہ سمندر کی سطح کے اوسط درجہ حرارت میں اضافہ بتایا جا رہا ہے۔
ڈبلیو ایم او کے سیکرٹری جنرل پروفیسر پیٹری ٹالاس نے کہا کہ اس طرح کے شدید موسمی حالات لاکھوں لوگوں کو متاثر کر رہے ہیں، موسمیاتی تبدیلی کی ایک بدقسمتی حقیقت اور مستقبل کی پیشگوئی ہے۔گزشتہ دنوں سائنسدانوں کے ایک تجزیے سے یہ بات سامنے آئی ہے کہ دنیا کے مختلف خطوں میں گرمی کی لہروں کی ریکارڈ شدت موسمیاتی تبدیلیوں کا نتیجہ ہے۔سائنسدانوں کے مطابق درجہ حرارت میں اضافے کی وجہ سے ہیٹ ویوز مزید جان لیوا ثابت ہوں گی جس سے پہلے ہی ہزاروں اموات ہو رہی ہیں۔ 2022 میں صرف یورپ میں درجہ حرارت میں اضافے کی وجہ سے 61,000 سے زیادہ اموات ہوئیں۔
