اردوورلڈ کینیڈا ( ویب نیوز )مسلم لیگ (ن) اور پیپلز پارٹی کی مرکزی قیادت نگرا ن وزیراعظم کے لیے مختلف ناموں پر غور کر رہی ہے۔
ذرائع کے مطابق نگرا ن وزیراعظم کے لیے حکومت اور اتحادیوں کے درمیان مشاورت جاری ہے، مسلم لیگ (ن) کے قائد نواز شریف اور آصف علی زرداری کئی بار مشاورت کر چکے ہیں اور حتمی نام کا فیصلہ رواں ہفتے کیا جائے گا۔

ذرائع کا کہنا ہے کہ نواز شریف اور آصف زرداری کی جانب سے نامزد کردہ نام وزیراعظم کو پیش کیے جائیں گے جب کہ بدھ کو وزیراعظم شہباز شریف اور اپوزیشن لیڈر راجہ ریاض کے درمیان مشاورت کا امکان ہے۔
اس سے قبل وزیر دفاع خواجہ آصف نے کہا تھا کہ نگران وزیراعظم کے لیے پانچ نام شارٹ لسٹ کیے گئے ہیں۔
قبل ازیں وزیر دفاع خواجہ آصف نے کہا ہے کہ مسلم لیگ (ن) اور پیپلز پارٹی نے فیصلہ کیا ہے کہ نگرا ن وزیراعظم کے عہدے کے لیے ایک سیاستدان کا انتخاب کیا جائے گا جس کے لیے 5 نام شارٹ لسٹ کیے گئے ہیں۔خواجہ آصف نے کہا کہ اس حوالے سے انہیں کوئی پیشکش نہیں کی گئی۔