اردوورلڈ کینیڈا ( ویب نیوز )توشہ خانہ کیس میں چیئرمین پی ٹی آئی کی سزا کے خلاف اسلام آباد ہائی کورٹ میں اپیل دائر کر دی گئی۔عدالت سے استدعا کی گئی کہ ٹرائل کورٹ کا فیصلہ کالعدم قرار دیا جائے۔ انہوں نے استدعا کی کہ مرکزی اپیل پرفیصلہ آنے تک سزا معطل کر کے ضمانت پر رہا کیا جائے۔

رجسٹرار آفس کی جانب سے اپیل پر اعتراضات اٹھائے جانے کے بعد اپیل پر نمبر لگا دیا گیا

وکلا کی جانب سے دائر اپیل میں چیئرمین پی ٹی آئی نے موقف اختیار کیا کہ توشہ خانہ کیس میں ٹرائل کورٹ کا فیصلہ خلاف قانون ہے اسے کالعدم قرار دیا جائے۔

استدعا کی گئی ہے کہ مرکزی اپیل پر فیصلہ آنے تک سزا معطل کی جائے اور پی ٹی آئی چیئرمین کی رہائی کا حکم جاری کیا جائے۔

چیئرمین پی ٹی آئی کی جانب سے وکیل خواجہ حارث اور بیرسٹر گوہر نے اپیلیں دائر کیں۔

چیئرمین پی ٹی آئی کی اپیل پر رجسٹرار آفس کے اعتراضات دور کرنے کے بعد اپیل کو 273 نمبر الاٹ کر دیا گیا

چیئرمین پی ٹی آئی نے اپیل کل شیڈول کرنے کی استدعا کی ہے۔

رجسٹرار آفس نے اپیل پر اعتراض کرتے ہوئے کہا کہ الیکشن ایکٹ میں اپیل کے ساتھ سزا کی معطلی دائر کرنے کا کوئی تصور نہیں ہے۔