اردو ورلڈ کینیڈ ( ویب نیو ز ) فرانس کے شہر پیرس میں ایفل ٹاور میں بم کی اطلاع ملنے کے بعد پولیس نے علاقے کو خالی کرالیا

بم ڈسپوزل اسکواڈ کو طلب کرلیا جب کہ قریبی سڑکوں کو بھی عام ٹریفک کے لیے بند کردیا گیا۔

غیر ملکی خبر رساں ادارے کے مطابق مقامی میڈیا کا کہنا ہے کہ سیکیورٹی اہلکاروں کی بھاری نفری نے ایفل ٹاور کی تین منزلوں اور صحن کو خالی کرانے کے بعد کئی گھنٹے تک علاقے کی تلاشی لی۔فرانسیسی میڈیا رپورٹس کے مطابق ہفتے کے روز بم کی اطلاع کے بعد ایفل ٹاور کو عام سیاحوں کے لیے کئی گھنٹوں کے لیے بند کر دیا گیا اور تلاشی مکمل ہونے کے بعد علاقے کو کلیئر کر دیا گیا۔سیکیورٹی کلیئرنس کے بعد ایفل ٹاور کو بھی سیاحوں کے لیے دوبارہ کھول دیا گیا۔