اردوورلڈ کینیڈا ( ویب نیوز)نگران وفاقی کابینہ کے ارکان کی آج حلف برداری متوقع ہے، تقریب شام کو ایوان صدر میں ہوگی، صدر مملکت ڈاکٹر عارف علوی ارکان سے حلف لیں گے۔
ذرائع کے مطابق اہم وزارتوں کے لیے نام تجویز کیے گئے ہیں

، ڈاکٹر شمشاد اختر کو نگران وزیر خزانہ نامزد کیا گیا ہے، جب کہ گوہر اعجاز نگران وزیر تجارت ہوں گے، ڈاکٹر تابش گوہر نگران وزیر توانائی ہوں گے، ڈاکٹر عمر سیف کوبھی کابینہ میں شامل کیا جائے گا۔
ذرائع نے بتایا ہے کہ نگران وفاقی کابینہ آج شام 5 بجے ایوان صدر میں حلف اٹھائے گی، ڈاکٹر وقار اور احد چیمہ کے نام بھی نگران کابینہ کا حصہ بنانے کی تجویز دی گئی ہے۔
ذرائع نے مزید بتایا ہے کہ سرفراز بگٹی، محمد علی، سلطان الانا، جلیل عباس جیلانی کے نام بھی تجویز کیے گئے ہیں جب کہ نگرا ن وزیراعظم کی کابینہ کے لیے مزید ناموں پر بھی مشاورت جاری ہے۔