اردوورلڈ کینیڈا ( ویب نیوز )پاناما جے آئی ٹی رپورٹ کا والیم 10 جاری کرنے کے لیے دائر درخواست سپریم کورٹ میں سماعت کے لیے مقرر کر دی گئی۔

چیف جسٹس عمر عطا بندیال کی سربراہی میں 2 رکنی بینچ 22 اگست کو پاناما جے آئی ٹی کا والیم 10 جاری کرنے کی براڈ شیٹ کمپنی کی درخواست پر سماعت کرے گا۔

براڈ شیٹ نے درخواست میں موقف اختیار کیا ہے کہ اس نے شریف خاندان کی بیرون ملک جائیدادوں کی تلاش میں نیب کی معاونت کی لیکن نیب نے جائیدادوں کی تلاشی کا معاوضہ ادا نہیں کیا۔

واضح رہے کہ براڈ شیٹ نے نیب کے خلاف برطانیہ کی عدالت میں واجبات کی وصولی کے لیے کیس دائر کیا تھا۔

براڈ شیٹ نے پاناما جے آئی ٹی سے والیم 10 کی فراہمی کا حکم جاری کرنے کی درخواست کی تھی۔ براڈ شیٹ والیم 10 کو بطور ثبوت برطانوی عدالت میں پیش کرنا چاہتی تھی۔