اردو ورلڈ کینیڈا ( ویب نیوز ) یونان کے جنگلات میں لگی آگ پر چار روز بعد بھی قابو نہ پایا جاسکا، آگ سے جاں بحق افراد کی تعداد 20 ہوگئی۔

ریسکیو حکام کے مطابق جنگل کی آگ سے متاثرہ شمالی علاقوں سے 20 جلی ہوئی لاشیں ملی ہیں جو ممکنہ طور پر تارکین وطن کی ہیں۔

ریسکیو حکام کا کہنا ہے کہ آگ سے متاثرہ علاقوں سے لوگوں کو نکالا جا رہا ہے، آگ سے کئی گھر اور گاڑیاں جل کر خاکستر ہو گئی ہیں جب کہ گرم موسم اور خشک ہوائیں آگ پھیلنے کا باعث بن رہی ہیں۔آگ بجھانے کی کارروائیوں میں رومانیہ کی فائر فائٹنگ ٹیم بھی حصہ لے رہی ہے جب کہ یورپی یونین نے بھی دو فائر فائٹر طیارے بھیجنے کا اعلان کیا ہے۔

یہ بھی پڑھیں

کینیڈا کے جنگلات میں بد ترین آتشزدگی،برٹش کولمبیانے ہنگامی حالت کا اعلان کردیا

دوسری جانب کینیڈا کے جنگلات میں لگنے والی آگ کے باعث 30 ہزار سے زائد گھروں کو خالی کرنے کے احکامات دیے گئے ہیں۔
حکام کا کہنا ہے کہ آگ نے کینیڈا کے شمال مغربی علاقوں کو خالی کرنے کے لیے جمعے تک کا وقت دیا ہے جس کے بعد لوگوں کو کار اور ہوائی جہاز کے ذریعے محفوظ مقامات پر منتقل کر دیا گیا ہے۔