128 اردوورلڈ کینیڈا ( ویب نیوز )خیبرپختونخوا کے علاقے بٹ گرام میں چیئر لفٹ میں پھنسے افراد کو بچانے پر 2 مقامی افراد کو خراج تحسین پیش کیا گیا ہے۔
اردوورلڈ کینیڈا ( ویب نیوز )خیبرپختونخوا کے علاقے بٹ گرام میں چیئر لفٹ میں پھنسے افراد کو بچانے پر 2 مقامی افراد کو خراج تحسین پیش کیا گیا ہے۔
اس حوالے سے صاحب خان نے کہا کہ صبح 7 بجے چیئر لفٹ کی رسیاں ٹوٹ گئیں، ہم صبح 8 سے 9 بجے کے درمیان وہاں پہنچے، شام کے وقت مقامی لوگوں نے بھی آپریشن میں حصہ لیا۔
صاحب خان کا کہنا ہے کہ ایک بچے کو ہیلی کاپٹر کے ذریعے بچا لیا گیا، دیگر 7 افراد پھنس گئے، ہم نے ریسکیو آپریشن شروع کیا اور تمام 7 افراد کو بحفاظت باہر نکالا۔
ایک مقامی شہری جاوید ناصر کا کہنا تھا کہ دونوں نے جس طرح ریسکیو آپریشن کیا اس پر پوری قوم کو فخر ہے، میں ان دونوں کو ایک ایک لاکھ روپے بطور انعام دینا چاہتا ہوں۔
حبیب رحمان کا کہنا ہے کہ ہیلی کاپٹر کو چیئرلفٹ کے اوپر لایا گیا اور رسی ڈالی گئی، ایک شخص نے خود کو رسی سے باندھ کر بچالیا جب کہ دیگر نے انکار کردیا۔
انہوں نے کہا کہ پھنسے لوگوں کو سمجھانے کی انتھک کوششیں کی گئیں لیکن اگر وہ نہ مانے تو مزید کچھ نہیں کیا جا سکتا تھا
واضح رہے کہ بٹگرام میں پشتو کے مقام پر چیئر لفٹ میں پھنسے 8 افراد کو نکالنے کے لیے کئی گھنٹوں سے جاری ریسکیو آپریشن مکمل کر لیا گیا ہے اور تمام افراد کو بحفاظت باہر نکال لیا گیا ہے۔
