اردوورلڈ کینیڈا ( ویب نیوز)پیپلز پارٹی کی سینئر رہنما اور سینیٹر شیری رحمان نے کہا ہے کہ پارٹی قیادت کی رائے ہے کہ عام انتخابات میں تاخیر قابل قبول نہیں۔

بلاول ہاؤس کراچی میں سی ای سی اجلاس کے بعد سینیٹر شیری رحمان نے پارٹی رہنماؤں کے ہمراہ پریس کانفرنس کرتے ہوئے کہا کہ پاکستان پیپلز پارٹی کی سینٹرل ایگزیکٹو کونسل نے واضح کر دیا ہے کہ انتخابات میں 90 دن سے زیادہ کی تاخیر ہوئی تو بحران پیدا ہو جائے گا جو کسی صورت ملکی مفاد میں نہیں
انہوں نے کہا کہ الیکشن 90 دن میں ہونے چاہئیں، حلقہ بندیوں کی بنیاد پر انتخابات میں تاخیر نہیں ہو سکتی، پیپلز پارٹی کا وفد الیکشن کمیشن کے حکام سے ملاقات کرے گا۔
شیری رحمان نے کہا کہ ملک میں معاشی صورتحال سنگین ہے۔ اس موقع پر فیصل کریم کنڈی کا کہنا تھا کہ اگر الیکشن کمیشن نے خیبرپختونخوا میں ضمنی انتخاب کا اعلان کیا تو اس کا مطلب ہے کہ ملک میں عام انتخابات بھی وقت پر ہو سکتے ہیں۔