اردوورلڈ کینیڈا ( ویب نیوز )برطانوی ہائی کمشنر جین میریٹ نے کہا ہے کہ پاک فوج کی قربانیاں دنیا کے امن کے لیے ہیں اور پاک فوج امن کے لیے جانوں کی شکل میں بڑی قیمت ادا کر رہی ہے۔
نجی ٹی وی سے گفتگو کرتے ہوئے جین میریٹ نے کہا کہ طالبان، حقانی گروپ اور دیگر تنظیموں کو کنٹرول کیا جائے۔ افغانستان میں دہشت گردوں کو نہ روکا گیا تو پاکستان ہی نہیں یہ پوری دنیا کے لیے خطرہ ہے۔

برطانوی ہائی کمشنر نے کہا کہ پاکستان دہشت گردی کے خلاف جنگ میں ہمارا سب سے اہم اتحادی اور فرنٹ لائن ملک ہے۔
جین میریٹ نے کہا کہ دنیا کی نظریں اب بھی افغانستان کے مسئلے اور صورتحال پر ہیں، پاکستانی کنسٹرکشن کمپنیاں یوکرین کی تعمیر نو میں اہم کردار ادا کرسکتی ہیں، پاکستان تعمیراتی کمپنیوں کے کردار کی حمایت کرے گا، یوکرین کی ماہر افرادی قوت پاکستان میں ہے۔
پاکستان میں تعینات برطانوی ہائی کمشنر جین میریٹ نے کہا کہ افغانستان میں کالعدم ٹی ٹی پی اور دیگر دہشت گرد گروپوں کی سرگرمیوں پر گہری تشویش ہے۔
جین میریٹ نے مزید کہا کہ افغانستان کے نصف حصے میں انسانی صورتحال اور خاص طور پر خواتین کے حقوق کی کمی پر تشویش ہے۔