اردورلڈ کینیڈا ( ویب نیوز)اگست میں بجلی کا بل دیکھ کر عوام کی چیخیں نکل گئیں، بجلی کی قیمتوں میں مسلسل اضافہ ہو رہا ہے اور فیول پرائس ایڈجسٹمنٹ کی مد میں لوگ 52 روپے فی یونٹ بجلی ادا کرنے لگے۔

اگست کے بجلی کے بلوں میں صارفین پر 15 روپے تک کا اضافی بوجھ ڈالا گیا، یکم جولائی کو بجلی کی قیمت ساڑھے 7 روپے فی یونٹ تک بڑھا دی گئی لیکن اس کی مکمل وصولی نہیں ہوئی، پھر صارفین سے اگست میں 2 ماہ کی یکمشت وصولی کی گئی۔
فیول پرائس ایڈجسٹمنٹ 81 پیسے فی یونٹ بھی وصول کیے جا رہے ہیں، حالانکہ بجلی پر ٹیکس نے شارٹ فال پورا کر دیا ہے، مجموعی طور پر ڈیڑھ ہزار ارب روپے کا بوجھ بجلی صارفین پر منتقل ہو گیا ہے۔
دوسری جانب بلدیہ عظمیٰ کراچی بھی بجلی کے بل سے پریشان ہے، جس نے ایک کروڑ روپے بچانے کا نیا پلان تیار کرلیا ہے۔
بلدیہ عظمیٰ کراچی نے شہر کی 106 اہم شاہراہوں پر سولر اسٹریٹ لائٹس لگانے کا فیصلہ کیا ہے۔