اردو ورلڈ کینیڈا ( ویب نیوز ) بھارت کے خلاف میچ کے بعد گفتگو کرتے ہوئے قومی ٹیم کے اسٹار بولر شاہین آفریدی نے کہا ہے کہ میچ نہ ہوا تو نتیجہ ہمارے ہاتھ میں تھا۔
انہوں نے کہا کہ ایک اننگز میں ٹیم کی مجموعی کارکردگی بہت اچھی رہی تاہم موسم کے حوالے سے ہم کچھ نہیں کر سکتے، ہماری ٹیم نے بہت اچھی پرفارمنس دی، ہماری ٹیم نمبر ون ہے اور نمبر ون ہونے کی مستحق ہے۔
میچ کے حوالے سے بات کرتے ہوئے ان کا کہنا تھا کہ ٹیم جو آغاز چاہتی تھی وہ نئی گیند سے بریک تھرو حاصل کرنے کی کوشش تھی۔ شاہین آفریدی نے کہا کہ گیند صحیح جگہ پر سوئنگ نہیں ہو رہی تھی، آگے سے سوئنگ کرنے کی کوشش کر رہا تھا، ان سوئنگ اور آؤٹ سوئنگ کا امتزاج تھا اور اس سے بہت مدد ملی۔انھوں نے کہا کہ انھوں نے ان سوئنگ اور آؤٹ سوئنگ کے امتزاج سے پہلی دو وکٹیں لیں، ان پر دباؤ ڈالنے کے لیے زیادہ ڈاٹ گیندیں کرنے کی کوشش کی۔
شاہین آفریدی نے کہا کہ ویرات کوہلی بڑے کھلاڑی ہیں، پاکستان کے خلاف ان کے رنز بھی زیادہ ہیں، ویرات کوہلی کی وکٹ ہمارے لیے سب سے اہم تھی کیونکہ وہ بھارتی بیٹنگ لائن کی ریڑھ کی ہڈی ہیں۔ان کا مزید کہنا تھا کہ مکی آرتھر ہمیشہ کہتے ہیں کہ فاسٹ بولرز ٹورنامنٹ جیتتے ہیں اور ہم نے پارٹنرشپ میں باؤلنگ کرنے کی کوشش کی، حارث رؤف کا کردار اپنی پیس اور باؤنسرز سے اگلی ٹیم کو ڈرانا تھا۔
نسیم شاہ اور میں نے کوشش کی کہ چلو زیادہ سے زیادہ سوئنگ کریں، نسیم شاہ نے اپنی بولنگ میں کافی بہتری لائی ہے۔انہوں نے کہا کہ اگر آپ سرخ گیند کے بعد سفید گیند سے باؤلنگ کرتے ہیں تو سفید گیند کافی آسان نظر آتی ہے، میں، حارث اور نسیم مخالف ٹیم کو کم سے کم رنز پر آؤٹ کرنے کی کوشش کرتے ہیں تاکہ ہماری ٹیم منصفانہ ہو۔ ٹیم کو پورا کریڈٹ دوں گا کیونکہ یہ ٹیم گیم ہے۔انہوں نے کہا کہ اپنے لوگوں کے سامنے کھیلنا الگ ہی مزہ ہے۔
