اردوورلڈ کینیڈا ( ویب نیوز )لاہور ہائیکورٹ نے مقدس اسلامی مہینوں میں عام انتخابات رکوانے اور الیکشن ایکٹ کی دفعہ 170 اے کی شق تین کو غیر آئینی قرار دینے کے لیے دائر درخواست خارج کر دی۔
لاہور ہائی کورٹ کے جسٹس راحیل کامران نے تحریری فیصلہ جاری کرتے ہوئے شہری فہد عزیز کی درخواست ناقابل سماعت قرار دے دی۔

درخواست گزار کی جانب سے مؤقف اختیار کیا گیا کہ بارہ اسلامی مہینوں میں سے چار انتہائی مقدس ہیں، ذوالقعد، ذوالحج، رجب اور محرم الحرام کے مہینوں کا احترام کیا جانا چاہیے، کیونکہ مقدس مہینوں میں انتخابات کے باعث ماضی میں فسادات اور قتل و غارت ہوئے ۔
عدالتی فیصلے میں کہا گیا کہ الیکشن ایکٹ 2017 کی دفعہ 170 اے کو غیر آئینی قرار دینے کی درخواست قابل سماعت نہیں، آئین کے آرٹیکل 203 جی کے تحت سپریم کورٹ یا کسی بھی ہائی کورٹ کو وفاقی شرعی عدالت کے اختیارات میں مداخلت کا اختیار حاصل نہیں
سپریم کورٹ نے اپنے تحریری فیصلے میں مزید لکھا کہ آئین کے آرٹیکل 203 ڈی کے تحت وفاقی شرعی عدالت کو اسلام، قرآن اور سنت کے خلاف کوئی بھی قانون پاس کرنے کا اختیار نہیں۔