اسرائیلی میڈیا کے مطابق ملکی انٹیلی جنس نے غزہ کی پٹی کے جنوب میں خان یونس میں حماس کے عزالدین القسام بریگیڈ کے نیول کمانڈوز یونٹ کے سربراہ بلال القیدرہ کے ٹھکانے کا سراغ لگایا۔اسرائیلی فورسز کی جانب سے جاری کردہ ایک بیان میں کہا گیا ہے کہ خان یونس اور مغربی جبالیہ میں 100 سے زائد فوجی اہداف پر فضائی حملے کیے گئے، جن میں حماس کے آپریشنل کمانڈ سینٹرز اور فوجی کمپاؤنڈز کو نشانہ بنایا گیا۔
اسرائیلی فورسز نے دعویٰ کیا ہے کہ فضائی حملوں میں حماس کے کئی اینٹی ٹینک میزائل لانچ پیڈ اور ہتھیاروں کی فیکٹریاں تباہ ہو گئیں۔عرب میڈیا کے مطابق اسرائیلی فضائیہ کے اس حملے میں حماس کے ایک تجربہ کار نیول کمانڈو بلال الکدرہ شہید ہوگئے۔اسرائیل نے دعویٰ کیا ہے کہ بلال القدرہ نے اسرائیل کی ایک بستی نیرم میں قتل عام کی منصوبہ بندی کی تھی۔یاد رہے کہ ایک اور اسرائیلی فضائی حملے میں حماس کے ایک سینیئر فوجی کمانڈر مراد ابو مراد کی ہلاکت کا دعویٰ کیا گیا تھا، جو اسلامی گروپ کی فضائی کارروائیوں کے سربراہ تھے