سکھر کے عوام نے جلسے کے لیے خصوصی ٹرین چلائی ہے، امید پاکستان ٹرین خیبرپختونخوا سے روانہ ہوگئی ہے جب کہ کلر کہار سے گاڑیوں کا قافلہ لاہور پہنچ گیا ہے۔
اس کے علاوہ بہاولپور، جہلم، صادق آباد، پشاور، جہانیاں، کوئٹہ، حیدرآباد، دادو، ڈی آئی خان، میرپور خاص، مظفرآباد، گلگت بلتستان سمیت ملک بھر سے قافلے قائد کے استقبال کے لیے لاہور پہنچ رہے ہیں۔
قائد کی آمد کی خوشی میں لیگی کارکن دھول مار رہے ہیں اور نواز شریف کے حق میں نعرے لگا رہے ہیں۔
مسلم لیگ ن کا 40 ہزار کرسیاں لگانے کا دعویٰ
سابق وزیراعظم نواز شریف کی وطن واپسی کے موقع پر لاہور کے مینار پاکستان گراؤنڈ میں جلسے کی تیاریاں جاری ہیں۔
مینار پاکستان گراؤنڈ میں جلسے کے لیے 130 ہزار 686 مربع فٹ پر انتظامات کیے گئے ہیں، مسلم لیگ ن کی جانب سے 40 ہزار کرسیاں لگانے کا دعویٰ کیا گیا ہے۔
گراؤنڈ میں لائٹس اور میوزک کے ساتھ ساتھ بڑی سکرینوں کی تنصیب کا کام بھی مکمل کر لیا گیا ہے۔