سیچوان صوبے کے دارالحکومت میں بنایا گیا یہ میوزیم ہر زاویے سے مختلف نظر آتا ہے۔اسے ڈیزائن کرنے والی کمپنی کے مطابق یہ ہمیشہ ہر پہلو سے مختلف نظر آتی ہے اور لوگ اسے غیر معمولی محسوس کرتے ہیں۔لیکن ڈیزائن سے زیادہ شاندار تعمیر کی مدت ہے۔سڈنی اوپیرا ہاؤس سے تین گنا بڑا یہ میوزیم اتنے کم عرصے میں بنایا گیا کہ حیران کن ہے۔میوزیم کو 2022 میں 81 ویں عالمی سائنس فکشن کنونشن کے لیے تعمیر کرنے کی تجویز دی گئی تھی۔
59 ہزار مربع میٹر کے رقبے پر پھیلی ایسی عمارت کی تعمیر عام طور پر 4 سے 5 سال میں مکمل ہوتی ہے لیکن اس عمارت کی ڈیزائن سے لے کر تعمیر تک صرف 12 ماہ میں مکمل ہوئی۔پراجیکٹ ڈائریکٹر پاؤلو فلورس نے کہا، "محدود وقت کے باوجود یہ ہمارے لیے ایک ڈریم پروجیکٹ تھا۔”منصوبے کی تعمیر اور ڈیزائن کا عمل بیک وقت شروع ہوا اور اسے جدید ٹیکنالوجی کی مدد حاصل تھی۔میوزیم چینگڈو کے پیڈو ضلع کو مستقبل کا شہر بنانے کے منصوبے کا حصہ ہے۔میوزیم کو 18 سے 22 اکتوبر تک سائنس فکشن کنونشن کے موقع پر عوام کے لیے کھول دیا گیا تھا۔
