چیف جسٹس پاکستان کی سربراہی میں سپریم کورٹ میں ضمانت بعد از گرفتاری کیس کی سماعت ہوئی۔ سماعت کے دوران چیف جسٹس قاضی فائز عیسیٰ نے وکیل کے رویے پر برہمی کا اظہار کرتے ہوئے وکیل کو ڈانٹا۔

چیف جسٹس نے کہا کہ یہ عدالت ہے ہالی ووڈ نہیں، یہاں یہ ڈرامہ نہ کریں، آپ نے جج کی بات کو درست ماننے سے انکار کردیا، اگر آپ سے غلطی ہوئی ہے تو معافی مانگیں۔

چیف جسٹس پاکستان نے وکیل کو مخاطب کرتے ہوئے کہا کہ آپ کہہ رہے ہیں کہ 5 کیسز ہیں لیکن یہ آٹھ ہیں، آپ جو کہیں گے ہمیں چیک کرنا پڑے گا۔

وکیل کی درخواست کی سماعت پر چیف جسٹس پاکستان نے برہمی کا اظہار کیا، بعد ازاں وکیل نے اپنے رویے پر عدالت سے معافی مانگ لی۔