ہمارا مقصد حماس کی تحریک کو ختم کرنا ہے۔ دوسری جانب حماس نے کہا ہے کہ ان کا عسکری ونگ القسام بریگیڈ غزہ میں اسرائیل کے لیے جہنم ثابت ہوگا مزید اسرائیلی فوجی کالے تھیلوں میں واپس آئیں گے۔
دوسری جانب غزہ میں اسرائیلی فوج کی رہائشی علاقوں پر وحشیانہ بمباری کا سلسلہ جاری ہے۔ اسرائیل نے جبالیہ مہاجر کیمپ اور البرج پناہ گزین کیمپ پر بھی بمباری کی۔ اسرائیلی جنگی طیاروں نے بیچ کیمپ میں اقوام متحدہ کے امدادی ادارے کے زیر انتظام اسکول کو بھی نشانہ بنایا جب کہ اسرائیلی طیاروں نے غزہ میں القدس ہسپتال کے قریب بھی بم گرائے۔
غزہ پر اسرائیل کے حملوں میں 3700 سے زائد بچوں سمیت فلسطینیوں کی تعداد 9200 تک پہنچ گئی ہے جب کہ 24000 سے زائد فلسطینی زخمی ہوئے ہیں۔