سوشل میڈیا پر وائرل ہونے والی ویڈیو میں دیکھا جا سکتا ہے کہ غزہ کے شہری اسرائیلی بمباری سے تباہ ہونے والی عمارت کے ملبے سے ایک بچی کو زندہ نکالنے میں کامیاب ہو گئے ہیں اور اسے ہسپتال لے جا رہے ہیں۔
عرب میڈیا کے مطابق یہ ویڈیو غزہ کے جبالیہ کیمپ کی ہے جہاں اسرائیل 4 بار بمباری کر چکا ہے۔
ملبے کے نیچے سے نکالے جانے کے بعد لڑکی کو یقین نہیں آیا کہ وہ زندہ ہے اور وہ پوچھ رہی تھی، "انکل، کیا آپ مجھے قبرستان لے جا رہے ہیں؟” اس پر ایک شخص اسے یہ کہہ کر حوصلہ دے رہا ہے کہ نہیں تم تو چاند کی طرح ہو۔
خیال رہے کہ غزہ میں شہداء کی تعداد 9 ہزار 770 سے تجاوز کر گئی ہے جن میں 4 ہزار 800 بچے بھی شامل ہیں، غزہ میں 26 ہزار فلسطینی زخمی ہیں۔
مکمل تاریکی اور انٹرنیٹ اور مواصلات کے مکمل بلیک آؤٹ میں اسرائیلی فوج فلسطینیوں کی نسل کشی کر رہی ہے۔
قابض اسرائیلی فوج اس وقت غزہ کی پٹی کے تمام علاقوں میں زمینی، سمندری اور فضائی راستے سے خونریز قتل عام اور نہ رکنے والی بمباری کر رہی ہے۔
85
