ٹیلی فونک گفتگو کے دوران دونوں رہنماؤں نے غزہ کی صورتحال پر تبادلہ خیال کیا، امریکی صدر جو بائیڈن نے قطر سے مطالبہ کیا کہ وہ حماس کے ہاتھوں یرغمال بنائے گئے امریکی شہریوں کی رہائی اور جنگ سے متاثرہ فلسطینیوں کے انخلاء میں تعاون کرے۔واضح رہے کہ چند روز قبل عرب میڈیا نے دعویٰ کیا تھا کہ حماس اور اسرائیل کے درمیان قیدیوں کے تبادلے کے معاملے پر معاہدہ طے پا گیا ہے۔

یہ معاہدہ دونوں جماعتوں کے درمیان کئی دنوں تک جاری رہنے والی بات چیت کے بعد طے پایا ہے۔ کئی ہفتوں سے مذاکرات جاری تھے۔دونوں فریقوں نے اس بات پر اتفاق کیا ہے کہ حماس کے ہاتھوں یرغمال بنائے گئے 100 خواتین اور بچوں کو اسرائیلی جیلوں میں قید فلسطینی خواتین اور بچوں کی رہائی کے بدلے رہا کیا جائے گا۔ 4 یرغمالیوں کو رہا کر دیا گیا ہے۔