کوئٹہ میں مسلم لیگ (ن) میں سیاسی شخصیات کی شمولیت کی تقریب ہوئی جس میں نواز شریف، شہباز شریف، مریم نواز، پرویز رشید اور دیگر نے بھی شرکت کی۔
تقریب میں مختلف جماعتوں سے تعلق رکھنے والی 30 سے زائد سیاسی شخصیات نے مسلم لیگ ن میں شمولیت کا باضابطہ اعلان کیا۔ نئے شامل ہونے والے سیاسی رہنماؤں میں بلوچستان عوامی پارٹی، بی این پی مینگل، نیشنل پارٹی، تحریک انصاف اور پیپلز پارٹی کے سابق اراکین پارلیمنٹ شامل ہیں۔ .
بلوچستان عوامی پارٹی کے سابق وزیراعلیٰ جام کمال، سابق وزراء میر سلیم کھوسہ، نور محمد دمڑ، ربابہ بلیدی نے بھی مسلم لیگ ن میں شمولیت اختیار کر لی۔
بی اے پی کے سردار عبدالرحمن کھیتران، محمد خان لہڑی، سردار مسعود لونی بھی مسلم لیگ ن کا حصہ بن گئے، بی اے پی کے سابق ممبران اسمبلی و رہنما شعیب نوشیروانی، عاصم کرد گیلو، جنگیز مری، رامین محمد حسنی، دوستین ڈومکی بھی ن لیگ کے ہوگئے۔
نیشنل پارٹی کے مجیب محمد حسنی، بی این پی کی سابق رکن اسمبلی زینت شاہوانی، پی ٹی آئی کے سابق ایم این اے خان محمد جمالی نے بھی ن لیگ میں شمولیت اختیار کر لی۔
پی ٹی آئی کے سردار عاطف علی سنجرانی، نیشنل پارٹی کے سابق سینیٹر ڈاکٹر اشوک کمار، پیپلز پارٹی کے سابق سینیٹر سید الحسن مندوخیل نے بھی ن لیگ میں شمولیت اختیار کر لی جبکہ پیپلز پارٹی کے سردار فتح محمد، سلیم کھوسہ، فائق جمالی نے بھی ن لیگ میں شمولیت اختیار کر لی۔
