حکومتی ٹیکنیکل کمیٹی کے رکن اور پنجاب یونیورسٹی انسٹی ٹیوٹ آف جیوگرافی کے ڈائریکٹر ڈاکٹر منور صابر کا کہنا ہے کہ موجودہ بادلوں پر نمک چھڑک کر مصنوعی بارش کی جا سکتی ہے اور شہر پر ایک بار بارش کرنے پر 4 کروڑ روپے خرچ ہوں گے۔ .
یہ بھی پڑھیں
سموگ،پنجاب میں محکمہ تعلیم کاہفتے کو چھٹی کا اعلان
ڈاکٹر منور صابر نے مزید کہا کہ مصنوعی بارش سے موسمیاتی نظام پر کوئی فرق نہیں پڑے گا، کیونکہ سموگ ہر سال شہر سے ٹکراتی ہے، اس لیے ہر سال انسان کی تیار کردہ بارش کی ضرورت ہوگی۔
پنجاب یونیورسٹی انسٹی ٹیوٹ آف جیوگرافی کے ڈائریکٹر ڈاکٹر منور صابر نے تین سال قبل مصنوعی بارش کا تصور پیش کیا تھا اور اس کا تجربہ خان پور میں بھی کیا گیا تھا۔
دوسری جانب محکمہ موسمیات کے مطابق دسمبر کے وسط تک بارش کا کوئی امکان نہیں۔
یہ بھی پڑھیں
لاہور شہر آلودگی میں نمبر ون،سموگ سے سانس لینے میں دشواری
دوسری جانب لاہور شہر دنیا کے آلودہ ترین شہروں کی فہرست میں پہلے نمبر پر آ گیا، شہر کا مجموعی ہوا کے معیار کا انڈیکس 343 ریکارڈ کیا جا رہا ہے۔
اس حوالے سے انتظامیہ نے شہریوں کو ہدایت کی ہے کہ وہ غیر ضروری سفر سے گریز کریں اور گھر سے نکلتے وقت ماسک کا استعمال یقینی بنائیں۔
