میڈیا رپورٹس کے مطابق گلوکارہ کو 14.5 ملین یورو کے مبینہ ٹیکس فراڈ کے الزام میں اسپین میں عدالتی کارروائی کا سامنا تھا۔ گلوکارہ پر الزام تھا کہ انہوں نے 2012 سے 2014 تک سپین میں اپنی آمدنی پر انکم ٹیکس ادا نہیں کیا۔

گلوکارہ نے مقدمہ عدالت سے باہر طے کیا، شکیرا نے استغاثہ کے ساتھ معاہدے کے تحت الزامات کا اعتراف کرنے اور 7.3 ملین یورو جرمانہ ادا کرنے پر رضامندی ظاہر کی۔

کیس کی پہلی سماعت کے دوران جج نے کہا کہ گلوکارہ 3 سال قید کی سزا سے بچنے کے لیے 7.3 ملین یورو جرمانے کے ساتھ ساتھ مزید 4.38 ملین یورو بھی ادا کریں گی۔

شکیرا کی جانب سے جاری بیان میں کہا گیا کہ یہ فیصلہ قانونی وجوہات کی بناء پر نہیں بلکہ ذاتی اور جذباتی وجوہات کی بنا پر کیا گیا۔