اجلاس میں فیصلہ کیا گیا کہ لاہور سمیت پنجاب کے 10 اضلاع میں جمعہ اور ہفتہ کو تعلیمی ادارے بند رہیں گے، لاہور، فیصل آباد، گوجرانوالہ، سرگودھا، ساہیوال اور ملتان ڈویژن میں تعلیمی ادارے بند رہیں گے۔
اجلاس کے بعد میڈیا سے گفتگو کرتے ہوئے نگراں وزیراعلیٰ پنجاب محسن نقوی نے کہا کہ پنجاب حکومت نے 10 ہزار طلباء کو الیکٹرک بائیک پر سبسڈی دینے کا فیصلہ کیا ہے۔

یہ بھی پڑھیں 

سموگ،پنجاب کے10 اضلاع میں ایک ہفتے کے لیے ماسک لازمی 

انہوں نے کہا کہ ہم مارکیٹیں مکمل طور پر بند کرنے کے حق میں نہیں، جمعہ اور ہفتہ کو بازار سہ پہر 3 بجے کھلیں گے جب کہ اتوار کو بازار مکمل طور پر بند ہوں گے۔
محسن نقوی نے کہا کہ سموگ سے متاثرہ اضلاع میں ریسٹورنٹ بھی جمعہ اور ہفتہ کو سہ پہر 3 بجے کے بعد کھلیں گے۔ اتوار کو مال روڈ صبح سے شام 5 بجے تک سائیکل سواروں کے لیے کھلا رہے گا۔

سموگ،پنجاب میں محکمہ تعلیم کاہفتے کو چھٹی کا اعلان

نگران وزیراعلیٰ پنجاب کا مزید کہنا تھا کہ سموگ پر قابو پانے کے لیے مصنوعی بارش کی تیاریاں بھی شروع کر دی گئی ہیں، سموگ سے نمٹنے کے لیے لاہور میں سموگ ٹاورز لگائے جائیں گے۔