عالمی خبر رساں ادارے کے مطابق ورلڈ آف اسٹیٹس ٹیکس نے رہنے کے لیے دنیا کے سستے اور مہنگے ترین ممالک کی نئی فہرست جاری کی ہے جس میں پاکستان سستے ترین ممالک میں پہلے نمبر پر ہے۔
رہنے کے لیے سب سے سستے ممالک میں مصر دوسرے نمبر پر ہے جب کہ ہندوستان تیسرے نمبر پر ہے۔ کولمبیا چوتھے، لیبیا پانچویں، نیپال چھٹے، سری لنکا ساتویں، یوکرین آٹھویں، ازبکستان نویں اور ترکی دسویں نمبر پر ہے۔
اسی طرح رہنے کے لیے دنیا کے مہنگے ترین ممالک میں سوئٹزرلینڈ پہلے نمبر پر ہے، اس کے بعد آئس لینڈ، ناروے، سنگاپور اور ڈنمارک ہیں۔