چیئرمین پی ٹی آئی کے خلاف توشہ خانہ اور 190 ملین پا ئونڈ سکینڈل کیس میں اہم پیش رفت ہوئی ہے اور وزارت قانون و انصاف نے چیئرمین پی ٹی آئی کے جیل ٹرائل کا نوٹیفکیشن جاری کر دیا ہے۔

وزارت قانون کے اعلامیے کے مطابق احتساب عدالت توشہ خانہ اور 190 ملین پاؤنڈ اسکینڈل کیس کی سماعت اڈیالہ جیل میں کرے گی۔

واضح رہے کہ القادر ٹرسٹ 190 ملین پاؤنڈ کیس کی سماعت آج اڈیالہ جیل میں ہوگی، کیس کی سماعت احتساب عدالت کے جج محمد بشیر کریں گے۔

بشریٰ بی بی عبوری ضمانت میں توسیع کی درخواست کریں گی، عدالت نے بشریٰ بی بی کی ضمانت 29 نومبر تک منظور کرلی۔

احتساب عدالت توشہ خانہ کیس میں پی ٹی آئی چیئرمین کی درخواست ضمانت پر بھی سماعت کرے گی۔

اسلام آباد ہائی کورٹ نے عمران خان کے خلاف سائفر کیس جوڈیشل کورٹ میں کھولنے کا حکم دیا تھا تاہم آفیشل سیکرٹ ایکٹ کی خصوصی عدالت نے سائفر کیس کا فیصلہ سناتے ہوئے کہا ہے کہ ایس پی اڈیالہ جیل کی سیکیورٹی رپورٹ کو منظر عام پر لایا جائے گا ٹرائل اب جیل میں اوپن ہوگا۔