ریپبلکن سینیٹر رک سکاٹ نے امریکی وزیر تجارت کو خط لکھ کر چینی لہسن کے غیر محفوظ ہونے پر اپنے تحفظات کا اظہار کیا ہے اور اس معاملے کی تحقیقات کا مطالبہ کیا ہے۔اپنے خط میں امریکی سینیٹر رک سکاٹ نے چینی لہسن اگانے کے طریقوں پر سوال اٹھاتے ہوئے لکھا کہ چین دنیا میں لہسن کا سب سے بڑا برآمد کنندہ ہے اور امریکا اس کا سب سے بڑا خریدار ہے۔
انہوں نے لکھا کہ بیرونی ممالک خصوصاً کمیونسٹ چین میں لہسن اگانے کے طریقے غیر محفوظ ہیں اور امریکہ میں صحت عامہ کے مسائل پیدا کر سکتے ہیں۔اپنے خط میں انہوں نے مزید لکھا کہ فوڈ سیفٹی اور سیکیورٹی ایک اہم مسئلہ ہے اس لیے یہ مسئلہ ہماری قومی سلامتی، صحت عامہ اور معاشی خوشحالی کے لیے خطرہ ہے۔انہوں نے امریکی محکمہ تجارت سے مطالبہ کیا کہ وہ چین سے درآمد شدہ لہسن کے معیار اور امریکیوں کی صحت پر اس کے منفی اثرات کی تحقیقات کرے۔
