بھارتی میڈیا کے مطابق جودھ پور میں سجاتی گیٹ کے قریب واقع دودھ کی اس غیر معمولی دکان کا بڑے فخر سے دعویٰ ہے کہ جس دودھ کے برتن میں آگ رکھی جاتی ہے وہ 1949 سے جل رہی ہے۔

دکان کے مالک وپل نیکوب نے بتایا کہ میرے دادا نے یہ کام 1949 میں شروع کیا تھا۔ یہ آگ 1949 سے جل رہی ہے۔ دکان روزانہ 22 سے 24 گھنٹے کھلی رہتی ہے جس میں روایتی طور پر کوئلے اور لکڑی کی آگ پر دودھ گرم کیا جاتا ہے۔

وپل نیکوب نے مزید کہا کہ یہ دکان تقریباً 75 سال سے کھلی ہے اور ہم نسل در نسل کام کر رہے ہیں۔ میں تیسری نسل سے ہوں اور یہ دکان یہاں کی روایت بن گئی ہے۔ ہماری دودھ کی دکان مشہور ہے۔ لوگ اسے پسند کرتے ہیں اور   یہی وجہ ہے کہ ہم ایک کامیاب کاروبار چلا رہے ہیں۔