ہارورڈ کے صدر کے یہود دشمنی پر سخت موقف اختیار نہ کرنے پر کانگریس کی ایک کمیٹی کے سامنے پیش ہونے کے بعد ہارورڈ یونیورسٹی پر ادارے کے صدر ڈاکٹر کلاڈائن سے استعفیٰ کا مطالبہ کرنے کا دباؤ تھا۔واضح رہے کہ یہود دشمنی پر سخت موقف اختیار نہ کرنے والی یونیورسٹی آف پنسلوانیا کی صدر الزبتھ میگل کو استعفیٰ دینا پڑا تھا جس کے بعد یونیورسٹی کے میڈیکل اسکول کے ڈین ڈاکٹر لیری جیمسن کو بطور عبوری سربراہ تعینات کیا گیا ہے۔امریکی پارلیمانی کمیٹی کے سامنے پیشی کے موقع پر الزبتھ میگل سے پوچھا گیا کہ کیا وہ صیہونیت مخالف اور یہودیوں کی نسل کشی کے مطالبے کو یونیورسٹی کے قواعد و ضوابط کی خلاف ورزی اور ایسا کرنے والے طلباء کے خلاف تادیبی کارروائی سمجھتی ہیں۔
یہ بھی پڑھیں
فلسطینی طلباء کے خلاف کارروائی کیلئے دبائو، امریکی یونیورسٹی کی صدر مستعفی
ارکان پارلیمنٹ الزبتھ میگل کے جواب سے خوش نہیں تھے اور نیویارک کی ریپبلکن قانون ساز ایلس اسٹیفنک ان سے وہی سوال پوچھتی رہیں جس پر الزبتھ نے ‘ہاں کہنے کے بجائے اپنا جواب دہرایا اور کہا کہ اس کا تعین بیان کے پس منظر سے ہوتا ہے ، ہم کسی بھی حالت میں آزادی اظہار پر پابندیاں قبول نہیں کر سکتے۔الزبتھ میگل نے کہا کہ آیا ایسا بیان کیمپس کے قوانین کی خلاف ورزی ہے یا نہیں اس کا انحصار بیان کے سیاق و سباق پر ہے۔ جس کے بعد یہ دیکھنا ہوگا کہ کیا اس بیان کا مقصد انفرادی طور پر کسی کو نشانہ بنانا ہے۔انہوں نے کہا کہ اگر اس طرح کے بیان کو عمل میں بدل بھی دیا جائے تو اسے ہراساں کیا جا سکتا ہے لیکن نسل کشی نہیں۔
