سپریم کورٹ نے فیصلے میں کہا کہ انتخابی شیڈول جاری ہونے کے بعد حلقوں پر کوئی اعتراض نہیں کیا جا سکتا. عدالت نے الیکشن کمیشن کی اپیل بھی قبول کر لی.

جسٹس اطہر من اللہ نے کہا کہ الیکشن کمیشن کا سب سے بڑا امتحان یہ ہے کہ 8 فروری کو ہونے والے انتخابات شفاف ہوں گے. جب انتخابی شیڈول جاری ہوتا ہے تو سب کچھ رک جاتا ہے. اگر اس درخواست پر کوئی فیصلہ دیا جاتا ہے تو سپریم کورٹ میں درخواستوں کا سیلاب آ جائے گا. ہائی کورٹ الیکشن کمیشن کو دیے گئے اختیارات کو قانون کے ذریعے کیسے استعمال کر سکتی ہے

جسٹس منصور علی شاہ نے کہا کہ انتخابی شیڈول جاری ہونے کے بعد حلقہ بندیوں سے متعلق تمام مقدمات غیر موثر ہو گئے ہیں. کسی فرد کو ریلیف دینے کے لیے پورے انتخابی عمل کو متاثر نہیں کیا جا سکتا. ہمیں ایک لائن کھینچنی ہے اور اس سلسلے میں ایک حد مقرر کرنی ہے.

قائم مقام چیف جسٹس سردار طارق مسعود نے اپنے ریمارکس میں کہا کہ مجھے سمجھ نہیں آرہی کہ ہر کوئی الیکشن کوطول کیوں دینا چاہتا ہے

بلوچستان ہائی کورٹ نے   شیرانی اور ژوب کی 2 صوبائی نشستوں پر حلقے تبدیل کر دیے تھے. الیکشن کمیشن نے ہائی کورٹ کے فیصلے کے خلاف سپریم کورٹ میں اپیل دائر کی.